VC Roll ennawn a ni dawn

Zonuna Kawlni /

Serchhip Chhim Veng Village Council leh New Serchhip North Village Council-ah te by-election neih tur atana inbuatsaihna atan Electoral Roll siamthat hna chu thawh a ni dawn.
 Mizoram State Election Commission thupek leh The Mizoram (Election to Village Councils) Rules 2014 sawi angin heng Village Council pahnih ah te hian kumin July ni 1-a kum 18 tling chin te lain Electoral Roll hi ennawn a ni dawn a, tun thla ni 24-ah Draft Roll tarchhuakin inthun thar, paih tur leh siamthat ngai te chuan Form 3, 4 leh 5 hmanga dil tur a ni a. Dilna hi Serchhip-III (Chhim Veng) leh New Serchhip North VLO hnen atangin lak theih a ni anga, July 25 atanga 31, 2024 chhungin thehluh leh tur a ni ang.

Serchhip Chhim Veng Village Council-ah hian VC atana thlan C. Laldinpuia chu a boral avang leh New Serchhip North Village Council-ah hian B. Zaruala a boral avangin heng VC pahnih ah hian Seat ruak pakhat ve ve a awm a ni.

Comments

Post a Comment

Popular News (Last 30 Days)

Electric current in man

Zonuna Kawlni /
Image
Nimin chhun khan Serchhip Vengchung-a cheng Lalruatdika chu a hnathawhna ah Electric in manin ZMC-ah enkawl tura hruai nghal a ni. Thudawn danin Lalruatdika s/o T. Laldanglova, Serchhip Vengchung hi Serchhip Vengchung-a Govt. M/S chhak ah mi In sakna ah Mistiri hna a thawk a, nimin chhunlai pelh hret ah khan a chung lama Iron Rod an lek chuan an In sak mek chunga kal Serchhip Entlang lam Power pekna, 11kV Line chu a fuh palh a, Electric hian a man zui ta a ni. Lalruatdika hi Serchhip damdawi In panpui nghal a ni a, nimin vek khan ZMC panpui leh nghal a ni. Nimin-a Electric in Lalruatdika a man laia a awmna Beam atang hian Electric Line hi meter 1.5 vela sang nia thudawn a ni bawk.
Kimchang zawkin »