ASF hri ala darh zau zel
AH&Vety Department chhinchhiahna atanga a lan danin Lungchhuan khua ah hian ASF vanga Vawk thi 8 awmin he khuaa Vawk sample enfiah ah ASF hri hi hmuh a ni a, Lungchhuan ah hian Vawk 3 suat a ni bawk. Nimin khan Serchhip District-a Veng leh khua 10-ah ASF vanga Vawk thi 50 awm lehin Thenzawl-ah 13, Lungchhuan-ah 8, Baktawng-ah 7, North Vanlaiphai-ah 5, East Lungdar leh New Serchhip South-ah 4 ve ve, Chhiahtlang leh Serchhip Hmar Veng-ah pathum ve ve, Serchhip Field Veng-ah pahnih leh Hriang-tlang-ah Vawk pakhat te an thi a ni.
Nimin vek khan Serchhip District-a Veng leh khua 11-ah hri darh zel tur venna atan Vawk 52 zet suat leh a ni bawk a, heng te nen hian kumin chhungin Serchhip District-ah ASF vang hian Vawk 1139 zet thi tawhin Vawk 2961 suat a ni tawh bawk a. ASF vanga Vawk thi tamna ber chu Thenzawl khua niin Vawk 351 a thi tawh a, Chhingchhip khua ah Vawk suat tam berin Vawk 1243 zet suat a ni tawh bawk a ni.
Mizoram pumah kumin 2024 chhung hian African Swine Fever (ASF) vangin Vawk 5,321 an thih tawh bakah Vawk 10,040 suat a ni tawh bawk a. ASF vanga Vawk thi zawng zawng hlut zawng belhkhawm hi cheng nuai 2008.05 (Rs. 20,08,05,321) vel ni tura chhut a ni a. Hei bakah hian sawrkar beng thleng lo, ASF vanga Vawk thi engemawzat an awm rin a ni bawk.
Comments
Post a Comment