HSLC leh HSSLC Compartmental Exam result chhuak

Mizoram Board of School Education (MBSE) chuan HSLC leh HSSLC Exam-a buatsaih hnua Compartmental & Improvement Examinations a buatsaih result chu nimin khan a tichhuak.
MBSE in HSSLC-a Compartmental & Improvement Examinations result nimin-a a tihchhuah ah hian HSLC Compartmental Exam-ah mipa 46 leh hmeichhia 57, an vaiin mi 103 ten Exam hmachhawnin mipa 14 leh hmeichhia 21, an vaiin mi 35 in an pass a, za zela 33.98 in pass ang an ni. HSLC Improvement Exam-ah mipa 3 leh hmeichhia 4 exam in mipa leh hmeichhia pahnih ve ve an hlawhtling bawk a ni.

Higher Secondary School Leaving Certificate (HSSLC) Compartmental Exam result tihchhuah ah Arts Stream-ah Mipa 20 leh hmeichhe 14, an vaiin mi 34 in Exam hmachhawnin mipa 6 leh hmeichhia 4, an vaiin mi 10 an pass a, za zela 29.41 pass ang niin Science Stream-ah mipa 6 leh hmeichhe 5, an vaiin mi 11 in an hmachhawn a, an zinga mipa 4 leh hmeichhia 2, an vaiin mi 6 ten pass in za zela 54.55 pass ang an ni. Commerce Stream-ah chuan exam awmchhun a Fail thung a ni.

HSSLC-a Improvement Exam buatsaih ah Arts Stream-ah mipa 8 leh hmeichhia 7, an vaiin mi 15 exam in mi 5 ve ve an hlawhtling a, Science Stream-ah mipa 33 leh hmeichhia 13, an vaiin mi 46 ten exam hmachhawnin mipa 17 leh hmeichhia 5 an hlawhtling a. Commerce-ah mipa leh hmeichhia pahnih ve ve exam in mipa pakhat a hlawhtling bawk a ni.

HSLC leh HSSLC Compartmental Exam-ah hian Serchhip District-ah Centre pakhat awmin HSCL-ah mi 6 ten Exam hmachhawnin mi 2 an pass a, 2nd Divsion leh 3rd Division-ah pakhat ve ve an pass a. HSSLC-ah Arts Stream-ah mi pahnih Exam in an Fail ve ve a, Science-ah mi pakhat Exam in a Fail bawk a. Serchhip District-ah hian HSLC Improvement Exam awm lovin HSSLC a Exam pahnih an hlawhchham thung a ni.

Comments

Popular News (Last 30 Days)

Serchhip DCSO sawn a ni