ZMC-ah Thin (Liver) Cancer hlawhtling takin zai

Zoram Medical College (ZMC)-ah Mizoram-a la zai ngai loh Thin (Liver) Cancer Zaipui hlawhtling taka tih a ni.

Hemi chungchanga sawrkar thuchhuah tarlan danin, Thin Cancer hlawhtling taka zaitu Team te hi Surgeon Dr. Samuel Lalhruaizela, Associate Professor leh Assistant Surgeon Dr. Willie Lalhruaitluanga, Assistant Professor, Department of Surgery-te an ni a, Head of Department-te rawn chungin tha takin an zai a ni. Anni bakah hian Junior Doctor leh Nursing Staff ten an pui a, ICU lamah Anaesthesiology Team ten damlo te hi tha tak leh uluk takin an enkawl bawk a ni.

Thin (Liver) Cancer leh Mit (gallbladder) Cancer te hi 'Cancer rau rauah pawh zai harsa leh huphurhawm' tih a ni thin a. Mizoram-ah phei chuan zai theih loh deuhthaw-a ngaih a nih avangin phai lamah mi tam tak kalpui an ni thin a. Hun engemaw atang khan regular takin Mit (gallbladder) Cancer hi ZMC-ah an lo zai thei tawh a, case en emaw zat zai tawhin, mi tam takin an dampui tawh a ni. ZMC-ah hian Cancer chi hrang hrang an zai nasa em em tawh tih sawrkar thuchhuan chuan a sawi a, damlo tam takin Doctor-te kaltlangin Pathian tihdamna an chang tawh a. Golden Card hmangin a thlawn vekin damlote hi enkawl an ni a, heng bakah hian Healthcare leh sawrkar MR bill theih zawng zawng pawh kalpui mek a ni bawk.

Comments

Popular News (Last 30 Days)

Serchhip DCSO sawn a ni