SYS Minister in hmanpui

Sports & Youth Minister Lalnghinglova Hmar chuan nimin khan Aizawl-a Helen Lowry Higher Secondary School in Graduation Commencement Program tum 26-na an hman chu khuallian niin a hmanpui a, zirlai naupangte chu hlawhtlinna tha zawk leh sang zawk an chan zel theih nan taimakna thlah lo turin leh ruihtheihthil laka fihlim turin a chah bawk. He hunah hian Minister hian kum 2023-2024 chhunga Helen Lowry HSS atanga HSLC leh HSSLC zirlaite pass chhuak te hnenah Certificate a hlan a, an School-ah hian zirlai 1285 an awm mek a ni.