Synod Bookroom in kum kaltaa an budget an khum

Synod Bookroom chuan kum kalta 2023-2024 khan cheng nuai 800 chuangin an budget an khum a, kum 1911-a Synod Bookroom din a nih atanga kum khata an thawhchhuah tam ber kum a ni.

Ningani khan Synod Bookroom Conference 2024 chu Aizawl-ah neih a ni a, he huna Bookroom sum dinhmun report-a a lan danin, kum kalta khan Synod Bookroom hian an budget Rs. 15,77,00,000 chu khumin Rs. 24,61,77,315 a thawk chhuak a, an budget an khumna hi Rs. 8,84,77,315 a ni.

Tun dinhmunah Synod Bookroom hian Branch 16 neiin Distribution Centre 45 a nei a, kum 2023- 2024 a Synod Bookroom Branch tha thlanchhuah niin pakhatna chu Synod Bookroom Headquarters Showroom Aizawl niin pahnihna chu Synod Bookroom Zemabawk North Branch Aizawl leh pathumna Synod Bookroom Chan-mari Branch Aizawl a ni. He hunah hian Synod Bookroom report leh rawtna te pawh ngaihthlak a ni bawk.