Hmun him-a insawn turin ti

Aizawl District Bawrhsap leh District Disaster Management Authority-a Chairman Nazuk Kumar-i chuan thuchhuah siamin Cyclone Remal avangin Aizawl District chu Mizorama chhiatna tuar nasa ber pawl niin, chhawmdawlna leh chhan-chhuahna hna thawh mek a nih thu a tarlang a. Mizoram State Emergency Operation Centre (MzSEOC) atang leh Directorate of Geology & Mining atanga thudawn danin, Hlimen khua leh a chhehvel leilung chu a nghet lo hle a, ruahtui tam zawk a tlak zel chuan chhiatna nasa tak thleng leh thei a nih avangin Section 30 (2)(iii) of the Disaster Management Act, 2005 in thuneihna min pek angin Hlimen leh a chhehvel, leimin hlauh-awmnaa cheng zawng zawngte chu an chenna chhuahsana hmun him lama insawn tura hriattir an nih thu a tarlang a ni.

Hlimen khawtlang hruaitute chuan hmun himlo ni a ngaih hi Kapdaia Section an tih, Quarry chim piah lama awm niin an sawi a, helaia cheng  te hi chhungkaw 78 vel niin chhungkaw tam tak chu hmun him lam panin an riakchhuak tawh a, Vawiin-ah sawrkar hotute nen insawnchhuahna tur hi an en dawn a ni.

Comments

Popular News (Last 30 Days)

Bawngchawm tlang khualbuk rawktu nia hriat mi 2 man