Serchhip-ah World Environment Day hmang

Nimin June 5, 2024 kha ‘World Environment Day’ a ni a, he ni pual hian hmun hrang hrang ah hun hman niin Serchhip-ah pawh he ni pual hian hun hman a ni bawk.

World Environment Day pual hian Mizoram Pollution Control Board (MPCB) leh Serchhip District Education Officer (DEO) Office bultumin Eco Club Member te tan Rally buatsaih a ni a, he Rally hi Serchhip Bazar atanga tanin Serchhip AOC Veng-a DEO Office tual thlengin ‘Clean Air’ tih thupui hmangin neih a ni a, School hrang hrang atanga tel zirlai naupangte chuan Serchhip Bazar tual-a bawlhhlawh te chharfaiin an phiatfai a, Serchhip DEO Office-a HEO Bhajan Singh chuan thu a sawi bawk. He Rally-a tel zirlai naupangte hnenah hian thilpek hlan theuh an ni bawk.