NEDFi in Cyclone tuarte tan cheng nuai 25 hlan

Tunhnaia Cyclone Remal avanga Mizoram a chhiatna tawkte tanpuina atan North Eastern Development Finance Corporation Ltd. (NEDFi) chuan CSR Fund atangin Mission Foundation Movement te hnenah cheng nuai 25 an hlan.

North Eastern Development Finance Corporation Ltd. (NEDFi) in Mission Foundation Movement hnena tanpuina cheng nuai 25 an pek hi Chief Minister Lalduhoma chuan nimin khan a Pisa-ah Cheque hmangin a hlan a, Chief Minister chuan hetiang zat Mizoram in tanpuina a dawn theihna tura hmalatu NEDFi CMD, PVSLN Murty hnenah lawmthu a sawi a. Ashim Kumar Das, General Manager, NEDFi chuan NEDFi-in Mizorama Entrepreneur-te hmasawnna tura theihtawp an lo chhuah tawh dante tarlangin, CSR fund atanga Sesawng khuaa Changel kawr hmanga thilsiam an zirtir chungchangte pawh a sawi bawk a ni.

He hunah hian Mission Foundation Movement Project Coordinator Caleba Lalnunpuia chuan lawmthu sawiin tanpuina an dawn chu dik leh felfai taka an hman tur thu kalkhawmte a hrilh a. NEDFi atangin thawktu hrang hrangte pawhin Entrepreneurs te tan loan interest rate hniam tak, kum khat a 7% a pungin an pek thin thu a sawi a, Loan te atanga loan lian tak tak pawh an pek thin thu a sawi bakah, Mizoram a entrepreneurs te chuan loan an rulh that thute a sawi bawk a ni.