Vidyanjali chungchang inhrilhfiahna hun hmang

Central YMA leh Samagra Shiksha Mizoram te'n Mizoram zirna hmasawnna tur atana thawhhona tur MOU an lo ziah angin Vidyanjali (School Volunteer Programme) chungchangah District Level Orientation Programme chu niminpiah khan neih a ni.

He hunah Mamit DEO Laldingliana leh Mamit Sub-Hqrs. YMA President Vanlalchhuanga Chhangte bakah Secretary H. Lalnunfela te'n thu sawiin, State Level-a YMA leh Samagra Shiksha thawhhona MOU chu theihtawpa tihhlawhtlin zel an tum thu leh, khawtlang mipuite nen zirna lama hmasawn tura tanrual a tul thu an sawi a ni.

Vidyanjali hi School mamawht, a hmanrua emaw, thil tihsak hmang emaw-a mipuiin an thawh theihna tur programme a ni a. Vidyanjali hlawhtlin theihna tura YMA leh Samagra Shiksha lam thawhdun dan tur ruahmanna duan lawk angte leh Vidyanjali Portal hman dan tur chipchiar taka zirho a ni a. YMA-te nen thawhhona tha leh midangte tana entawntlak taka ke pen ho zel a beisei thu a sawi bawk a ni.

He hunah hian YMA hruaitu mi 30 chuang an tel bakah biakhmuh theihna kaltlangin District chhunga YMA Branch hrang hranga mi 42 ten an lo zawm bawk a ni.