MSPMC in Mamit District chhunga Residential School leh District Sports Complex sak an enfiah

Mizoram State Project Monitoring Committee (MSPMC) chuan nimin khan Mamit tlawhin Residential School leh District Sports Complex sak mekte a hmunah kalin a enfiah.

Mizoram State Project Monitoring Committee (MSPMC) Vice Chairman R. Lalrinawma, IRS (Rtd) hova heng hmun an enfiahna ah hian MSPMC Vice Chairman chuan Mamit District chhunga Project an en te, a bik takin Residential School sak zawh tep chu a building sak dan tha viau mahse a hnu zelah hmangttangkai a, District mipuite'n an chhawr tangkai dan tur ngaihtuah chu an ngaihpawimawh ber a ni thu khawtlang hruaitute a hrilh a. Residential School building sak te chu a nih dan tur anga hmang lova, dah tawl leh mai mai a ni ang tih chu an hlauhthawn ber a ni thu a sawi bawk.

Residential School, Mamit hi PMJVK hnuaia sak niin a sak hna hi M/S Edufice Infraservices Pvt Ltd (New Delhi) te'n an thawk a. Zawh theih hun tura ruahman hi September 15, 2024 niin Bill 85.49% pekchhuah tawh a ni. He Building structure hi Academic Building 43.5×7.9m, GF- 5 rooms, FF- 6 Rooms, SF- Auditorium/Lab Room, Boys & Girls Hostel - 30×15.5m Khum 70 awmna tur, Principal Quarter 10.2×6.8m, Teachers Quarter (G+3) 14.7×6.0m, Multipurpose Hall 17.9×11.5m, GF-Computer, Library Office & Committee Rooms te a ni a. Zirlai naupang 70 bakah Faculty 30 awm theihna tura ruahman a ni.

Hei bakah hian Residential School Artificial Turf phah hna hi Decor India, Guwahati te'n thawk mekin hna zawh hun tura ruahman hi August 31, 2024 a ni a, tunah hian Bill za zela 28.69pekchhuah tawh a ni. Turf Area hi 105m×64m leh Line Area 100m×60m tur niin Residential School leh Artificial Turf Estimate Cost hi cheng nuai 3286.34 a ni.

District Sports Complex hi Pradhan Mantri Jan Vikas Karyakam (PMJVK) hnuaia sak niin Consortium of Junior Consultancy Services, Tlangnuam, Creative Minds, Chanmari West leh T. Thanzauva, Tlangnuam, Aizawl te'n a sak hna hi an thawk a. Estimate Cost hi cheng nuai 4496.48 niin Bill release tawh zat hi 35.38% a ni a. Sak zawh theih hun tura ruahman hi November 3, 2024 a ni.

Nimin vek khan Bawngva khuaah Pavillion 46.3×16m (G+3) 500 seats, Multipurpose Hall - 25.8×12m (G+2), Dorm - 30 bedded, District Sports Complex, Mangkhawngdai Field-a Futsal - 45×25m (40×20m) Tennis (36.5×36.5m) bakah SASCI leh SEDP hnuaia Mizoram Development Agency Contract hnuaia Mamit District Multipurpose Indoor Stadium sak mek chu a hmunah kalin an endik nghal bawk a ni.