MGNREGS kalpui dan thlirhona neih a ni

MGNREGS hnuaia State Employment Guarantee Council chu nimin khan an Chairman RD Minister Prof. Lalnilawma hovin an thukhawm.

Aijal Club Conference Hall-a State Employment Guarantee Council thutkhawm ah hian RD Minister chuan MGNREGA chu Rural Development Department hnuaia Scheme lian ber leh thingtlang mipuiten an hman tangkai ber a nih thu sawiin, kan kalpui dan azirin hmasawnna min thlenin min thlen lo thei a, hei vang hian inkaihhruaina dan awmsa hnuaiah uluk tak leh felfai taka kan kalpui a pawimawh thu a sawi a ni.

He thutkhawmna-ah hian MGNREGA Mizorama kalpui anih dan te, harsatna leh hmachhawp bakah hmasawn dan te thlirho a ni a, Vantlang/khawtlang in an chhawr tangkai tur Community Assets siam nana Material Component inhmantawm dan kalpui mek te thlirho leh sawiho a ni a. MGNREGA hnuaia Administrative Cost hman dan kalphung leh MGNREGA hnuaia thawkte tana Employee Provident Fund ruahman chungchangte pawh sawiho niin Social Audit Unit in kum kalta chhunga Audit an neih report thlirho a ni bawk.