MSPMC in Bilkhawthlir-a EMRS an enfiah

Mizoram State Project Monitoring Committee chuan nimin khan Bilkhawthlir-a Eklavya Model Residential School tlawhin Building hrang hrang sak mek an enfiah.

MSPMC hi Vice Chairman R. Lalrinawma chuan hovin EMRS hi sawrkar laipuiin Tribal-te tan a buatsaih a nih thu leh dinhmun harsa zawk a awm ten zirna tha an ban phak ve theihna tur a ruahman a nih thu a sawi a. Naupang 400 tan a thlawn a zirna tur school building tha tak Sawrkar laipuiin a rawn chhawpchhuak chu Bilkhawthlir leh a chhehvel khua tan zirna lam a hmasawnna hmanraw tangkai tak a nih ngei a beisei thu a sawi a. EMRS sak mek 5 bakah sak tur 6 a awm thu tarlan niin a tul anga tihchangtlun hna pawh thawh zel a nih tur thu sawi a ni.

EMRS hi kum 2020 kumtir atang khan hna hi thawh tan niin, Social Welfare Department enkawlna hnuaiah cheng vbc. 240 hmangin JMT Architect-ten an thawk a. Tunah hian hna hi an zo fel tawh thawkhat tawh a ni. Zirna hi tun thla atangin kalpui tan tum niin kumin Academic Session-ah hian Class VI leh Class VII kalpui tum a ni a, naupang hi Class khat ah mipa leh hmeichhia 30 zel awm thei tur a ruahman a ni. EMRS Campus, Bilkhawthlir-ah hian  Class room leh Building pawimawh hrang hrangte sak niin heng te hi enfiah a ni.

Comments

Popular News (Last 30 Days)

Bawngchawm tlang khualbuk rawktu nia hriat mi 2 man