MNF hruaitu rual ten thutkhawm an nei

Mizo National Front (MNF) Party Elected Office Bearer leh General Secretary te chu nimin khan Aizawl-a Mizo Hnam Run-ah thukhawmin Party hmalakna kalzel tur pawimawh te an sawiho.

Nimin a thutkhawm hi an President Zoramthanga chuan kaihruaiin, “Kan hmabak kal zel turah inpawhtlang tak leh thahnem ngai taka kalin kan bei tlang anga, Opposition Party kan nihna angin Sawrkar lai khalh ngil kawngah leh ram leh hnam thatna tura huaisen leh taima taka beih a tul a. Inpekna thar nen party mipuite khaidin kawngah leh kan hmalakna kawng hrang hranga a hmahruaitu ni tura theihtawp kan chhuah a tul a ni,” a ti.

He thutkhawm ah hian MNF Vice President Vanlalzawma leh Lalchhandama Ralte bakah Treasurer Lalruatkima te pawhin thu an sawi a, inpawh tlang tak leh thahnemngai takin hmalak zel dan tur te sawiho a ni a. Mizoram MLA inthlanpui lo awm leh tura Sawrkarna siam ngei tura thapui thawhchhuah pui a nih tur thu sawi a ni bawk.