Lok Sabha Inthlan ah mi vbc. 64.2 in Vote an thlak

Chief Election Commissioner (CEC) Rajiv Kumar-a chuan Lok Sabha inthlan neih zawh takah khan India chuan World record siamin voter vaibelchhe 64.2 in vote an thlak tih a sawi.

Nimin khan New Delhi-a chanchinbumite kawmin Rajiv Kumar-a chuan tun tum Lok Sabha Inthlan a vote thlak zat hi G7 ram- US, UK, France, Germany, Italy, Japan leh Canada rama voter belh-khawm aiin a tam thu sawiin, kum 2019 inthlanpui ah vote thlak thatna 540-a neih anih laiin kumin ah erawh 39 chauh a ni tih a sawi a. Kumin inthlanpui-ah khan Monitoring Team 68,000 chuang leh venhimna leh Polling Duty vbc. 1.5 chuang an awm tih a sawi bawk.

Chief Election Commissioner chuan Lok Sabha inthlan neih zawh takah khan tharum thawhna liantham a thlen hriat a ni lo tih pawh sawiin, Sum an man zat hi cheng vbc. sing khat chuang anih thu a sawi a, kum 2019 inthlan aiin hei hi a tam zawk thu a sawi a. Model Code of Conduct bawhchhiaa inhekna 495 lutah zaa 90 chu chinfel a ni tih a sawi bawk.