Mizoram tan Gold Medal la

India ram-a Muaythai inelna sang ber UMAI National Muaythai Championship 2024 neih zawh takah New Serchhip-a cheng Phoibi Malsawmtluangi chuan Mizoram tan Gold Medal a la.

UMAI National Muaythai Championship 2024 hi May 25-31, 2024 chhung khan Tepesia, Sonapur, Guwahati, Assam-a khelh niin he intihsiakna ah hian Mizoram chuan Player 40, Team Official leh Coach bakah Referee leh Judge-te nen mi 46 a tir a; tun tum hi kum 2004-a Mizoram a Muaythai Association din a nih hnuah National Championship-a player an tirh hnem ber tum a la ni a. Mizoram hian Gold Medal 21, Silver Medal paruk leh Bronze Medal pakua, a vaiin Medal 36 an dawng a, a pumpuiah pangana niin a thlengtu Assam chu Team Champion an ni.

Tun tum UMAI National Muaythai Championship-a Mizoram tana Medal latu zingah hian Phoibi Malsawmtluangi D/o Lalengmawii, New Serchhip Venglai chu telin ani hian kg. 48-50 Category-ah Mizoram tan Gold Medal a la a ni.

Mizoram Team Manager Lalnuntluanga chuan tun tum Championship-ah hian Team Champion nih an tum hle tih sawiin, State lian dang player za chuang tir an tam thu leh Weight Category a tam avangin Overall Champion nih a harsat thu a sawi bawk.

Comments

Popular News (Last 30 Days)

Bawngchawm tlang khualbuk rawktu nia hriat mi 2 man