Serchhip-ah Road Protection Squad ten kawngpui endik
Serchhip District Road Protection Squad Team C te hian an Leader leh SDC Dr. Marilyn Lalruatkimi hova heng Veng te hi tlawhin chipchiar taka an Vengchhung kawngpuite fangin VC ten an lo dawngsawng a. Kawngpui pawimawh zual leh lunlai deuh te ngaih pawimawh niin lirthei leh mipui veivahna atana hnawk thei thil dahtute chu in senghawi turin an hriattir a ni.
Serchhip Road Protection Squad te hian Serchhip khawpui chhunga kawngte hi a him tawk em tih leh vantlang tana hnawk thama kawngpui nek an awm em tih te an endik thin a. Kawng kama dawr leh Workshop nei ten kawng an nek em tih te, Garage nei loa kawng sira lirthei riah thin te an awm em tih te an endik thin a. Team pali- A, B, C leh D-ah inthenin Official te bakah tlawmngai pawl hruaitute leh Joint VC hruaitute an tel a. Serchhip khawpui chhung VC area hrang hrangah insemdarhin a tahtawlin kawngpui te hi an endik thin a. Kawngpui nek leh kawngpui kam-a bungrua dahhnawk te lakah a tul anga hmalak thin a ni.
Comments
Post a Comment