Minister hovin Education Department hotute thukhawm

School Education Department leh Higher & Technical Department hotute chu Zirtawpni khan Higher & Technical Education Minister, Dr.Vanlalthlana hoin Conference Room, Samagra Shiksha Office, Mc Donald Hill, Aizawl-ah an thukhawm.

Minister Dr. Vanlalthlana chuan May ni 19-22,2024 chhunga Education World Forum London-a neih tak-a hun a va hman atanga a zirchhuah pawimawh tak takte he hunah hian sawiin, tunlai khawvel Artificial Intelligence (AI)-in min luhchilh tawh zia leh hemi hmachhawn tura kan inpuahchah tul a tih thu a sawi a. AI leh a kaihhnawih hrang hrangte zirlaite tana hman tangkai theih dan tur tarlangin, Education Outcome Fund atanga puihna dawn theih dante ngaihtuah a tul tih a sawi bawk a ni. Minister chuan Education World Forum 2024-ah hian hotu lu pawimawh tak takte hmelhriatin a kawm a, naupang zirna lama hmasawn thei turin an puihna a ngen nghal a, Education Outcome Fund atanga puihna dawn theih dante ngaihtuah a tul tih a sawi bawk a ni.

He thutkhawmnaah hian Education World Forum 2024-a thupui hrang hrang “’Encouraging AI understanding, Building human relationships and resilience, and accelerating climate action’ chungchangte sawiho a ni a. Zirlaiten an tangkaipui zawk nan zirna In, School leh College Syllabus-ah te AI, Basic coding, Data analysis te telh ni se tih rawtna siam nghal a ni. He thutkhawmna hi zawhna leh chhanna hun hman a ni bawk.