By-election hriattirna chhuah

Tun thla ni 25-a Aizawl Municipal Corporation (AMC) Ward No. XIX Corporator tur thlanna neih tur atan nimin khan Inthlan hriattirna tihchhuah a ni a, hriattirna tihchhuah a nih atanga June 6, 2024 thlengin inthlan chuh tumte tan Municipal Returning Officer hnenah (Addl. DC Office, Aizawl)-ah Nomination Paper thehluh theih a ni ang. Nomination Paper thehluh te hi June 7, 2024-ah enfiahin Inhnukdawk duh an awm chuan June ni 10, 2024 chawhnu dar 1:00 ralhma in inhnuhdawh theih a ni anga, June 25, 2025 zing dar 7:00 atanga tlai dar 5:00 thlengin mipui ten Vote an thlak dawn a ni. AMC Ward No. XIX hian Tlangnuam, Tlangnuam Veng-thar, Kulikawn, Melthum, Hlimen leh Saikhamakawn te huamin Corporator, Baryl Vanneihsangi Tlau chu MLA Inthlanpui-ah a tlin avanga a ban avangin by-election hi neih a ngai a ni.