Kumtlinglo chhawr an la awm thin niin sawi

Mizoram State Commission for Protection of Child Rights (MSCPCR) chuan Mizoram-ah Child Labour Case chu ‘nil’ anga record ni mah se, naupang chhawr erawh hmuh tur an awm fo thin thu an sawi.

Nimin June 12-a World Day Against Child Labour denchhena Aizawl Press Club-a thuthar thehdarhtute an kawmnaah Mizoram State Commission for Protection of Child Rights chuan mipuite'n Child Labour (Prohibition and Regulation) Act 1986 leh The Mizoram Child Labour (Prohibition and Regulation) Rules, 2010 te kan la ngaihven tawk lohzia hei hian a tarlang tih sawiin, Team hnih-a inthenin, June thla chhunga zawhfel turin hmun hrang hrangah dan kalha kumtlinglo chhawr an ni em tih enfiah tura an fehchhuah mek thu leh naupangten an dikna chanvo an chan a diklo taka naupang hnathawh luih tir a awm lohna atan Mizoram mipuite thawhpui ah an sawm a ni. MSCPCR hruaitute chuan tunhnaiah ND&PS Act hnuaiah Excise and Narcotics ten kum tlinglo 13 an man chu a pawi an tih thu leh kumtlinglo hetiang thil tih tirtu te chu an dem thu an sawi bawk.