Hriselna pawimawh zia Mizo ten an hre zel niin sawi

Governor Dr. Hari Babu Kambhampati chuan Mizo lehkhathiam hnam ten hriselna a pawimawh zia an hre chho zel tih sawiin, “Taksa leh rilru leh ngaihtuahna hrisel turin inzirtir uar nise,” a ti.

Vawiin khawvel pum-a ‘International Yoga Day’ hman tur puala AIR in Raj Bhavan-a an kawmnaah Governor chuan Mizoram-ah pawh Yoga instructor engemawzat an awm thu sawiin, heng te hian Zirtirna pechhawngin, kilkhawr thlengin an dap chhuak thei tih a sawi a. Yoga chu taksa leh rilru hrisel nan chauh ni lovin, nunphunga betah a duhawm hle tih pawh sawiin, hei hi khawvel hriatah Prime Minister chuan puang tawhin, UN pawhin a pawm sak a, tunah chuan ram hrang hrangin an hlut chho hle a ni, a ti.

AYUSH Department hnuaia Physical & Stress Management Instructor Hmingthantluangi chuan, Yoga chuan rilru hrisel nan mi a pui nasa hle tih sawiin, thawk lama harsatna nei tan pawh a tangkai tih a sawi a, vai ho chin chhuah niin anni chuan Sakhuana-ah an senglut a, Mizote erawhin Sakhuana ah senglut kher lovin taksa sawizawi leh hrisel nan chauh a hman theih a, a hlauhawm leh tha lo zawnga sawi tur ni lovin taksa hriselna tur zawk a nih thu a sawi bawk. Dr. Laltlankimi Ralte pawhin Yoga chu India ram rohlu – khawvel pawhin a ngaihsan a ni tih sawiin, thil danga insawi-zawina hlau lo tan chuan Yoga pawh hlauh ngawt chi a ni lo tih a sawi bawk.

Vawiin June 21, 2024 hi ‘International Day of Yoga’ a ni a, he hun lo thleng tur pual hian Assam Rifles (AR) te chuan tunkar Thawhlehni khan India leh Myanmar inrina Zokhawthar-ah Yoga chungchang inzirna hun an hmang a, heng bakah hian Lunglei, Siaha leh Zorinpui-ah te inzirtirna hun hi an hmang bawk a ni. International Day of Yoga India ram hmun hrang hrangah hman a ni dawn a, Mizoram-a a hmana pui ber chu Republic Vengthlang-a Hawla Indoor Stadium-ah Larsap hova hman tur a ni ang.

Comments

Popular News (Last 30 Days)

Serchhip DCSO sawn a ni