AMC puhna Mayor in sawifiah

Aizawl Municipal Corporation (AMC) Mayor Lalrinenga Sailo chuan ZPM leh Congress Corporator-ten thil hrechiang tawk lovin an bei nia sawiin, Board of Councillors (BOC) zahawmna tihbawrhbanna ah an ngaih thu a sawi.

Nimin-a AMC Pisa-a MNF AMC Legislature Party-te'n thuthar thehdarhtute an kawmnaah AMC Mayor chuan BOC thuthlukna chu tihhlawhtlin zel a ni tih sawiin, sawrkar laipui atanga sum dawn te State sawrkarin a tihkhawtlai avanga a huna Ward Fund sem theih leh loh pahnih khat chawi vawnga sawichhuak maiah an ngai tih a sawi a. AMC Ward Fund pekchhuah chungchangah, kum 2023-2024 ah Budget-ah cheng nuai 760 dah a ni a, Urban Local Body Grants bikah Central in sum a pekchhuah atangin State sawrkarin AMC-ah release lehin chu chu Ward Fund atan Party inthliar loin inang tlang vekin pekchhuah thin a nih thu a sawi.

Kum 3 kalta chhungin Party induhsakna atan cheng vbc. 30 sem nia sawi chungchang ah Mayor chuan, “Cheng vbc. 30 hi kum khatah cheng nuai 100 a ni a, Aizawl khawpui chhunga Local Council 85-ah inang tlangin sem darh ta ila, cheng nuai 12 vel an chang thei tawk tihna a ni. Party induhsakna tia sawi vak mai hi a dik lem lo. Local Council chhunga mipuite mamawh hrang hrang, loh theih loha thawh ngai a awm thin avangin AMC sum zawng zawng hi assets liantham siamna atan hman vek a rem lo,” a ti.

Property Tak chungchang ah kum 2023-2024 chhunga tlingkhawm cheng nuai 600 atanga 80%; cheng nuai 480 chu mipui vantlang mamawh pawimawh zual thawhna atan tangkai taka hman a ni tih a sawi a, Cheng nuai 480 atang hian nuai 285 chu Ccorporator zawng zawng hnenah cheng nuai 15 theuha pek a ni tih sawiin, nuai 195 chu AMC office atanga semchhuah a nih thu a sawi bawk.

Comments

Popular News (Last 30 Days)

Serchhip DCSO sawn a ni