Governor in hun hmanpui

Apollo Hospital, Hyderabad-a Senior Physician Dr. Vasanth Kumar, M.D. chuan nimin khan Aizawl-a Raj Bhavan-ah ‘Presentation and Talk on Lifestyle Diseases and Diabetes’ neiin he hun hi Governor Dr. Hari Babu Kambhampati chuan khuallian niin a hmanpui a. Tunlai khawvelah taksa sawizawi tlem luatah natna hrang hrang – Zunthlum, BP sang leh a dangte a lo hluar tak em avangin mahni taksa leh rilru hriselna theuh ngaih pawimawh a tul thu leh Hriselna chuan nitin hnathawhna ah te leh thutlukna siamna kawngah te pawh nasa taka a nghawng theih avangin mitin chu mahni hriselna ngaihthah lo turin a chah bawk. He hunah hian tunlai kan nundan thalo avanga natna hrang hrang, a bikin diabetes a thlen dan te bakah nundan leh ei leh in tur ngaihpawimawh a tulna te tarlan a ni.