College of Horticulture, Thenzawl dincham lawm

Thenzawl-a College of Horticulture chuan nimin khan an dinchampha vawi 8-na an lawm.
College of Horticulture Conference Hall-a an dinchampha lawmna hun hi Asst. Professor R. Lalrinfeli chuan kaihruaiin Horticulture Department-a Addl. Director L. Lalhmingmawia Pachuau chuan he hun hi a hmanpui a, zirlaite chu hlawhtlinna chang ngei tura fuihin, nu leh pa, zirtirtu leh aia upa te zahthiama Pathian hre reng chunga an zirlai te zir turin a chah a ni.

College of Horticulture, Thenzawl hi Central Agricultural University (CAU), Imphal hnuaia College 13 zinga pakhat niin tun dinhmun ah Assistant Professor 12 leh Associate Professor 2 awmin zirlai 94 an awm mek bawk a. Nimin-a he hun hman ah hian Dean, Dr. Shri Dar leh Asst. Professor Dr. B. Vanlalneihi te pawhin thu an sawi a, kum 2022-2023 Academic Year a Class tina zirlai tithate hnenah lawmpuina an hlan bawk a ni.

College of Horticulture, Thenzawl hi June 18, 2016 khan hawn niin kum 2016-17 khan zirna hi tan nghal a ni a. Batch tinah Mizoram in Quota 6 neiin Higher & Technical Education Department hnuaia SMATEE kaltlangin a zir tur hi thlan thin an ni.

Comments

Popular News (Last 30 Days)

Serchhip DCSO sawn a ni