AMC by-election chuh turin mi 4 in hming pelut

Aizawl Municipal Corporation (AMC) Ward XIX-a By-Election neih tura hming pekluh theih hun chhungin he inthlanna chuh turin mi pali ten an hming an pelut.

AMC Ward No. XIX-a by-election neih tur chuh tum te tana hming pekluh theih hun hi nimin tlai dar 3:00 khan tawpin Political Party pali (4) te chuan he inthlanna ah hian Candidate an siam a, Indian National Congress (INC) atangin Effie Vanlalhmangaihi, Mizo National Front (MNF) atangin Dr. Lalrinzuali Hrahsel, Zoram Peoples’ Movement (ZPM) atangin C. Malsawmtluangi leh Bharatiya Janata Party (BJP) atangin K. Vanlalruati te chuan he inthlanna chuh tur hian an hming an pelut a, Ward No. XIX hi Hmeichhia te tana Seat hauh a ni.

He inthlanna a Nomination paper thehluh te hi Vawiin hian enfiah a ni dawn a, Inhnukdawk duh an awm chuan June ni 10, 2024 chawhnu dar 1:00 ralhma in inhnuhdawh theih a ni anga, June 25, 2025 zing dar 7:00 atanga tlai dar 5:00 thlengin mipui ten Vote an thlak dawn a ni. AMC Ward No. XIX hian Tlangnuam, Tlangnuam Vengthar, Kulikawn, Melthum, Hlimen leh Saikhamakawn te huamin Corporator, Baryl Vanneihsangi Tlau chu MLA Inthlanpui-ah a tlin avanga Corporator atanga a ban avangin by-election hi neih a ngai a ni.

Comments

Popular News (Last 30 Days)

Bawngchawm tlang khualbuk rawktu nia hriat mi 2 man