Agriculture Minister in Delhi-ah mi pawimawhte a hmu

Agriculture Minister PC. Vanlalruata chuan New Delhi-ah Ministry of Agriculture & Farmers Welfare hotute sumdawn dan kalhmang a sawipui.

Agriculture Minister hian New Delhi-a thlaithar wholesale a zawrhna, Azadpur Mandi chu tlawhin wholesale a thil lei thin sumdawng lian te chu Sawhthing leh thlai danga insumdawn tawn dan tur a sawipui a. Sumdawng lian te hian Mizoram Sawhthing an lei duh thu sawiin, an in dawr dawn a nih chuan Mizoram chhung ngeiah Grading Unit din ni thei se an duh thu an lo hrilh a, a rate tur leh a buaipui dan tur te la sawi chhunzawm atan an dah a ni.

Agriculture Minister hian Special Secretary to Department of Fertiliser A. Neeraja hmuin kuthnathawktu ten man tlawm zawk leh chatlak lova leitha an hmuh theih dan tur a sawipui a, Ministry of Agriculture & Farmers Welfare Secretary Manoj Ahuja leh Franklin L Khawbung, Joint Secretary te pawh an pisa ah hmuin anni hian sawrkar laipui Scheme hrang hrang hnuaiah Project a tam thei ang ber thehlut turin thu an lo rawn a. Manoj Ahuja chuan Mizoram-a Grape, Serthlum, Lakhuihtheih leh Dragon fruit zirchian a tul tiin hma la nghal turin National Horticulture Board Director a hriattir nghal a ni.