PHE bungrua vbc. 13 hu vel a chhia niin hria

Tunhnaia ruahsur avanga tui lianin Tlawng lui-a PHE tui pump na a chim avang leh bungrua a len bo hlut zawng chu cheng vbc. 13 hu vel nia hriat a ni.

Central YMA hnuaia Health & Sanitation Sub-Committee te chuan niminpiah khan Reiek kai, Tlawng lui-a PHE Tui Pump-na hmun, tunhnaia ruah sur nasa in a tihchhiatna chu an tlawh a, he hunah hian PHE Department hotute chuan Tuilianin a chim vanga bungrua a tihchhiat leh bungrua a len bo te chu cheng vbc. 13 vel nia an hriat thu an lo hrilh a. Tun tum tui lian hi kum 2017-a tuilian in a chim chin aiin ft. 5 chuanga sang a chim ah ngaih niin Tui hi an pump na hmun ah hian chirh leh dum a tam em avangin Tui pump karlakah dum thenfai hna thawh tel zel a ngai tih an sawi bawk.

Aizawl tui lakna Phase-I  ah hian Store Room pahnih chu tuilian hian a tichhe hneh hle a, Spare part hlu tak tak engemaw zat a len bo bakah Store Room bula an khawl lian dah te pawh tuiin a chim vek avangin tun maiah chuan a chhiat leh that hre turin tihnun ngam a la ni lo a, Phase -I a tui pump khawl Electric hmang pahnih te chu tui in a chim ve bawk a, khawl hi eng chen nge hman theihloha a awm tur hi ala hriatloh a, Backup pump pahnih an neih ah pakhat chhia awmin karkhat chhungin zaa 85 siam that a ni a, Phase-II pump thawk thei a siam hman niin Phase-II a Pump pakhat leh Phase-I a diesel pump khawl hmangin tunah hian Tui hi pump mek a ni.

Comments

Popular News (Last 30 Days)

Bawngchawm tlang khualbuk rawktu nia hriat mi 2 man