Serchhip Open, Mizoram Ranking Tennis Tournament khelh tan a ni
Serchhip District Tennis Association buatsaih Mizoram Tennis Ranking Tournament, Serchhip Open hi nimin khan khelh tan niin tun thla ni 24-a zawhfel hman tura ruahman a ni a, Mipa kum 14 hnuailam atanga kum 60 chunglam thlenga inelna turin category 9-ah then a ni a, Serchhip District pawnlam ah Aizawl, Lunglei, Hnahthial, Ngopa leh Khawzawl atangin Tennis thiam te kalkhawmin Club/Association 12 atangin Player an tel a, Player tel zawng zawng hi mi 48 an ni.
Mizoram Tennis Ranking Tournament, Serchhip Open-ah hian Mens Singles-ah Player tel tam berin mi 27 zet an tel a, 35+ Singles-ah player 16 telin 45+ Singles-ah player 13 leh Mens Doubles-ah Pair 12 an tel bawk a. 45+ Doubles-ah pair 6 telin 60+ Singles-ah player 5 an tel thei bawk a, kum 14 hnuailam inelna ah player 5 telin kum 16 hnuailam inelna ah player 6 an tel a. Hmeichhe lamah inelna pakhat awmin Ladies Singles-ah Player pahnih an tel bawk a ni.
Tun tuma Player tel te zngah hian Serchhip District Tennis Association atanga tel tam berin mi 16 an tel a, Aizawl Tennis Club atangin mi 6 telin Khawzawl District Tennis Association atangin mi 5, Lunglei District Tennis Association leh Thenzawl Tennis Association atangin mi 4 ve ve, Ramhlun Tennis Club atangin mi 3, Mizoram Police Tennis Club, Bethlehem Vengthlang Tennis Club, Hnahthial District Tennis Association leh K-12 atangin mi pahnih theuh an tel a, Tuivamit Tennis Club leh Ngopa Tennis Club atangin mi pakhat ve ve an tel bawk a ni.
Comments
Post a Comment