Science la tur tan Bridge Course buatsaih tum

Samagra Shiksa Lunglei District bultumin, Mizo Academy of Sciences Sub-Headquarters Lunglei leh Mizoram Mathetics Society Lunglei tangkawp chuan Lunglei-a Zirlai, Pawl 11-a Science lak tum te tan Science leh Mathematics Bridge Course an buatsaih dawn.

High School leh Higher Secondary School-ah Science leh Mathematics zirlaibu a inthlauh em avanga zirlaite an buai lohna turin Matric pass thar, Pawl 11-a Science la turte pualin Bridge Course, Free Tuition hi buatsaih tum a ni a, Pawl 11-a Science subject la turte tan anmahni lo buatsaih lawkna hun hi thla khat chhung buatsaih tum niin HSLC pass chhuak, HSSLC a Science subject la tur ten a bulthut atanga Science leh Mathematics Subject laimu an man thiam theihna tur leh Subject peng hrang hrang, a bulthut hre saa pawl 11 an zir theih nan Bridge Course hi buatsaih tum a nih thu a buatsaihtute chuan an sawi a ni.

Bridge Course Free Tuition-ah hian Mizoram Mathematics Society leh Mizo Academy of Sciences Sub-Hqrs. Lunglei Member, mi thiam tak tak Volunteer te chuan zirtirna an pe dawn a. Pawl 10 leh a hnuailam Science zirlaibu leh Higher Secondary School Science zirlaibu inkara zirlai ten an hriattur leh pawimawh te zirtirin, Science Subject la tute tana Career awm thei leh Eizawnna kawng dap dan te an kawhhmuh dawn bawk a ni.