Bairabi-a Tulian in harsatna a thlen DC in enfiah

Kolasib District Bawrhsap John LT. Sanga chuan nimin khan ruahsur nasa avanga Tlawng lui lianin Bairabi khua hmun thenkhat a harsatna a thlen te a enfiah.

Bairabi khawtlang hruaitute tarlan danin tuilian avang hian nizan hmasa thleng khan chhungkaw 21 chu hmun him lamah sawn chhuah an ni tawh a. Tui lianin Lawng te a lak bo loh nan tlaivarin vengtu an indah a ni bawk. Tlawng lui hi kum 1989, 2008, 2017 leh 2018 khan nasa takin a lo lian tawh a, hemi avang hian kumin Fur lo thleng tur atan pawh hian khawtlang hruaitute an lo inhmakhua lawk tih an sawi a. Vanneithlak takin kumin hian chhiatna liantham thleng a awm loh thu leh chenna In chan an awm rih loh thu tarlan a ni a. Amaherawh chu tuilian hian Tlawng kam a huan siam thahnem tak a tichhia tih an sawi a, Kolasib DC hian chhawmdawl hnathawktute mamawh zual phuhruk nan pawisafai leh silpouline engemaw zat a hlan nghal bawk a ni.

Comments

Popular News (Last 30 Days)

Vawiin-ah HSSLC Exam result

LPG man bithliah thar