Vawiin ah zirna In te hawn tan a ni leh dawn ta
Kum 2024-2025 Academic Session atan hian Mizoram sawrkar chuan School Calendar siamin hemi ang hian Primary School, Middle School, High School leh Higher Secondary School te chu Vawiin hian hawn tan a ni dawn a, zirna In hrang hrangte hi kumin December 14 thleng School kalin nakum January 10-ah hawn chhunzawm leh a ni dawn a, Primary School tan nakum February 28-ah Promotion Exam result tihchhuah hman tura ruahman a ni a, ni 201 chhung zirna In hawn tura ruahman niin hemi chhung hian chawlh pawh ni 74 an nei dawn bawk a ni.
Middle School te chuan Vawiin-a zirna an tan hnuah nakum February 28-ah Promotion Exam Result an tichhuak hman anga, ni 221 chhung zirna In hawngin ni 43 chawlh an nei dawn a ni. High School te chu nakum February 18-ah Promotion Exam Result tichhuak hmanin hemi hnu hian HSLC Exam atan inbuatsaihna hun an nei anga, nakum March thla ah HSLC Exam in ni 201 chhung zirna In ahwn a ni anga, chawlh ni 74 an nei dawn a ni. Hetiang bawk hian Higher Secondary School te pawh nakum February 18-ah result tichhuakin ni 201 chhung zirna In hawn a ni anga, chawlh pawh ni 74 an nei dawn a ni.
Comments
Post a Comment