Election Observer ten Governor an kawm

Lok Sabha Inthlanpui neih tura Mizoram-a Observer hrang hrangte chuan Mizoram Governor Dr. Hari Babu Kambhampati chu Raj Bhavan-ah hmuin an inkawm.

Mizoram Lok Sabha Inthlanpui neih tura Police Observer K. Satyanarayana, Expenditure Observers Arvind Sharma leh Anita Rinesh-i te hian niminpiah khan Raj Bhavan-ah Governor hi kawmin Police Observer K. Satyanarayana chuan Lok Sabha Inthlanpui 2024 lo awm tura an inbuatsaihna te chu Governor a hrilh a. Governor chuan Lok Sabha MP inthlan lo awm turah hian Mizoram in inthlan hmasaa an lo neih thin anga inthlanna felfai leh thianghlim tak an neih leh theih ngei a beisei thu Observer-te a hrilh a ni. Governor chuan Mizoram People's Forum (MPF) chu inthlan felfai leh thianghlim tak an neih theihna atana mawhphurtu pawimawh tak a ni tih pawh sawiin, mipuite pawhin dan leh thupekte an ngai pawimawhin an zawm tha thin hle tih a sawi bawk.

He inkawmna ah hian Governor leh Observers-te hian Lok Sabha Inthlanpui kaihhnawih thil pawimawh dangte an sawiho bawk a ni.

Comments

Popular News (Last 30 Days)

Vawiin-ah HSSLC Exam result

LPG man bithliah thar