Tunkar-ah Zirlaibu sem-chhuah kim hman tum a ni

Mizoram-a zirna In hrang hrang te Academic Session thar atana hawn a nih hnuah tunkar hian naupangte hnenah Zirlaibu sem tur pekchhuah hman beisei a ni.
Mizoram sawrkar in Academic Session thar atana zirna In hrang hrangte hawn hun tura a ruahman April 5, 2024 atang khan Serchhip District chhunga zirna In hrang hrangte chu harsatna awm lovin hawn a ni hlawm a, School thenkhat ten Admission tifel-a zirna In an hawn laiin School hawn tan ni-a Admission ti chawp te pawh an awm bawk a, nimin lam kha chuan zirlai te an zir tan hlawm tlangpui a ni.

Hetihlai hian kumdang ang bawkin zirlai naupangte hnenah Zirlaibu chu a thlawna sem-chhuah leh tum a ni a, Samagra Shiksha Serchhip District-a thawktute chuan kar hmasa lam khan zirlaibu hi engemaw zat a rawn thlen tawh thu sawiin, tunkar hian a rawn thlen kim theih an beisei thu leh sem tura pekchhuah hman an beisei thu an sawi a. Lirthei hman man te a tam tham thin avangin tum khata pechhuak tura an ruahman thu an sawi bawk a ni.

Comments

Popular News (Last 30 Days)

Vawiin-ah HSSLC Exam result

LPG man bithliah thar