Thenzawl-a Integrated AYUSH Hospital (IAH)-ah World Homeopathy Day 2024 hman a ni

/

Nimin April 10, 2024 khan World Homeopathy Day chu khawvel hmun hrang hrangah hman niin Thenzawl a Integrated AYUSH Hospital (IAH) Conference Hall-ah pawh he ni pual hian hun hman a ni a, Homoeopathy in kawng tinrenga hma a sawn theih nan a Research pawimawhna te zirho a ni.

Kumin-a World Homeopathy Day-ah hian thupui atan ‘Homeoparivar: One Health, One Family’ tih chu hman niin Thenzawl-a IAH Hospital Conference Hall-a he ni puala hun hman ah hian he Hospital-a Medical Superintendent Dr. B. Lalhriatpuia chuan Homeopathy lo pian chhuah dan leh mihring hriselna atana a pawimawh leh tangkai dan te, Mizoram-a an dinhmun tlangpui leh World Homeopathy Day lo chhuah dan leh Homoepathy chungchang a hriattur pawimawh hrang hrang te an sawi a. Mizo zingah Homoeopathic Doctor kan tih, Bachelor of Homeopathic Medicine and Surgery (BHMS) zirchhuak mi 256 leh Post-Graduate zir zo tawh mi 7 awm mekin, an zinga 153 te chu Mizoram sawrkar hnuaiah an thawk mek a, Homeopathy Doctor te hi Mizoram chhunga District Hospital zawng zawng leh CHC leh PHC thenkhatah te rawn theiha an awm bakah Health & Wellness Centre, AYUSH in a enkawl bik Centre 41-ah te inentir theih reng a ni a, a mamawh te hnenah a thlawnin damdawi chi hrang hrang pawh semchhuah thin a ni bawk.


India rama Indian System of Medicine and Homoeopathy (ISM&H) din chu kum 2003 khan ‘AYUSH’ tia thlak a ni a, kum 2009 khan Mizoram-ah pawh Health & Family Welfare Department hnuaiah Directorate of AYUSH din niin a hnuaiah hian Scheme lian tak tak pathum- State Medicinal Plants Board (ramhmul damdawi chungchanga hmalatu) te, National AYUSH Mission (Ayush hnathawh kengkawhtu) leh AOGUSY Scheme te kalpui a ni a. Homeopathic damdawi siam nan hian ramhmul- thlai leh hnimhnah (Medicinal plants) atanga siamchhuah a tam ber a, Mineral leh Animal (Sa) atanga siam te pawh a awm bawk a ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »