TBC-a bang turin phut; Dan anga hmalak a tum thung

All Mizoram Car Rental Association chuan MP inthlana Rental Car hman chungchangah Adviser to Chief Minister TBC. Lalvenchhunga chu thuneihna hmang sualah puhin bang turin an phut tih an sawi a. TBC. Lalvenchhunga chuan he an puhna ah hian Dan anga hmalak a ni dawn tih a sawi thung.

All Mizoram Car Rental Association hian nizan hmasa khan thutkhawm neiin MP inthlana Rental Car hman chungchang ah Adviser to CM TBC. Lalvenchhunga chu thuneihna hmangsual ah puhin, Mizoram sawrkar an hrawn tawh zingah Election Official te tana Rental Car hman chungchangah tunhma in thil fello ala awm ngailo tih an sawi a. Tuna Lok Sabha inthlana Election Official Duty te tana Car Rental hman anih chungchangah an pawl Motor chu hman a ni lo nia sawiin, an Member ni duhlo TBC Car Rental te chauh koh an ni chu an hrethiamlo tih an sawi a. TBC Car Rental neitu TBC Lalthantluanga chuan a unaupa Adviser to CM TBC. Lalvenchhunga, MLA thuneihna diklo takin ama mimal hamthatna atan an hmang chu pawi an tih thu sawiin, an Resolution chu Chief Minister hnenah leh Transport Minister hnenah an thehlut a, an ngenna chu April ni 10 ralhma ngeia tih hlawhtlin an phut thu leh an tih hlawhtlin loh chuan hma an la zel dawn tih an sawi bawk a ni.

Hetihlai hian Finance leh Planning changtu Adviser to Chief Minister TBC. Lalvenchhunga chuan All Mizoram Car Rental Association ten Lok Sabha MP inthlana Election Official Duty te tana Car Rental hman a nih chung-changah thuneihna dik lo taka hmang leh mimal hamthatna atana hmang anga an puhna chu ngawih bopui chi ni-a a hriat loh thu a sawi a, dik lo taka inpuhna leh intihhmingchhiatna chungchang ah hian dan anga hmalak a tum tih sawiin, tunhnu ah tu chungah mah thleng tawh lo se a ti bawk.

Comments

Popular News (Last 30 Days)

Vawiin-ah HSSLC Exam result

LPG man bithliah thar