Serchhip District-ah Home Voting kalpui tan a ni

/

Lok Sabha Inthlanpui neih turah Serchhip District-a mahni In lama Vote thlak thei turte chu nimin atang khan an chenna In-ah kalchilhin Vote thlak tir tan an ni.
Election Commission of India in ruahmanna a siam angin Electoral Roll-a an inziahluh anga kum 85 chunglam, AVSC (Senior Citizen) leh Disability Certificate nei Vohbik, AVPD (Person with Disabilities) te chuan an chenna In-ah Postal Ballot hmangin Vote an thlak thei a. Heng mite Vote thlak buaipui tur hian Serchhip District-ah hian Team 10 siam niin heng mite hi nimin zing khan Serchhip DC Office tual atangin Ser-chhip DC David Lalthantluanga chuan a vailiam a, heng Team hrang hrangte hian mahni bial-ah theuh AVSC leh AVPD te hi Vote an thlak tir a, Vawiin hian Serchhip khawpui chhungah Vote hi thlak chhunzawm leh a ni ang.


Tarkan tawh thin angin Serchhip District chhunga Assembly Bial pathum-ah hian mahni In lama Vote thlak thei hi AVSC 135 leh AVPD 41 an awm a, heng te hi Serchhip Bial-ah AVSC 80 leh AVPD 25, Tuikum Bial-ah AVSC 29 leh AVPD 11 bakah Hrangturzo Bial-ah AVSC 26 leh AVPD 5 te an ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »