Serchhip District-ah Vote nei 54,607 an awm

Tun thla ni 19-a Mizoram Lok Sabha Inthlanpui neih turah Serchhip District pumah Vote nei thei 54,607 an awm a, an zinga 414 te chu Service Voters an ni.

Serchhip DC Office Election Branch atanga thu kan dawn danin Serchhip District-ah hian Assembly Constituency (Segment) pathum awmin heng ah hian Polling Sattion 88 a awm a, a pumpui-ah Vote nei thei 54,607 awmin heng te hi mipa 26,656 leh hmeichhia 27,951 te an ni a, Vote nei thei zingah mipa aia hmeichhia an tamna hi 1295 a ni. Serchhip District-a Vote nei thei 54,607 zinga 54,193 te hi General Voters niin mipa 26,245 leh hmeichhia 27,948 an ni a, midang 414 te chu Service Voters niin mipa 411 leh hmeichhia pathum an ni.

26-Serchhip (ST) AC-ah Polling Station 29 awmin Vote nei thei 20,638 an awm a, Vote nei tamna ber chu 22-Serchhip-XII (LFCS) niin Vote nei thei 970 an awm a, Vote nei tlemna ber chu 29-Neihloh niin Vote nei 238 an awm a ni. 27-Tuikum (ST) AC-ah Vote nei 16,913 awmin Polling Station 32 a awm thung a, Vote nei thei tamna ber chu 10-Chhuanthar Tlangnuam-II niin Vote nei thei 915 an awm a, 6-Khumtung-ah Vote nei 914 an awm bawk a, Vote nei tlemna ber chu niin Vote nei 95 an awm a ni. 28-Hrangturzo (ST) AC-ah Polling Station 27 awmin Vote nei 16,642 an awm bawk a, Vote nei tamna ber chu 11-E.Lungdar-II niin Vote nei 920 an awm a, Cote nei tlemna ber chu 13-Chekawn niin Vote nei 215 an awm bawk a ni.

Comments

Popular News (Last 30 Days)

LPG man bithliah thar