Serchhip Bial-ah Chief Minister in hun hmang mek

Serchhip Bialtu MLA leh Chief Minister Lalduhoma chuan nimin khan Serchhip Bial rawn tlawhin Vawiin hian Serchhip-a rawn lut dawn a ni.
Chief Minister Lalduhoma hian nimin khan Thenzawl a Integrated Ayush Hospital (IAH) chu tlawhin IAH-a Medical Supenrintendent Dr. B. Lalhriatpuia leh a thawhpui ten an lo dawngsawng a, Hospital chhung hmun hrang hrang tlawhin Ayush Hospital dinhmun tlangpui leh Hospital tihhmasawnna tura mamawh leh tul hrang hrang te thawktu ten an lo thlen a, Chief Minister chuan an thil thlen te chu ngaihthlak sakin, Ayush Hospital chu a theih anga tihchangtlun zel tha a tih thu a sawi bawk.

Chief Minister hian nizan khan Thenzawl Bazar Veng-a Vantawng Group YMA Run-ah Lok Sabha MP in thlan lo awm tur atan Campaign a nei a, Vawiin hian Serchhip rawn lutin Vawiin chawhnu dar 2:00 atanga dar 5:00 thlengin PWD IB-ah a duh apiangte tan hmuh theih a ni dawn a, naktuk-ah ZPM Serchhip Block ten Political Training an buatsaih chu a hmanpui dawn bawk a ni. Hemi hnu naktuk chawhnu lamah Serchhip chhuahsanin Aizawl a pan leh ang.

Comments

Popular News (Last 30 Days)

LPG man bithliah thar