Govt. Sialhau M/S kum 50 tlin lawmna neih a ni
Govt. Sialhau M/S-a he hun hman hi Organising Committee Chairman K. Lalthanpuia chuan kaihruaiin khuallian nia he hun hmanpuitu Serchhip DEO Lawmawma chuan Sialhau khua chu khaw hmasawn tak leh thawhhona tha tak nei khua an nih thu a sawi a, School hmun tha tak leh Building tha tak an neih theihna tura khawtlang hruaitute leh Bialtu MLA ten hma an lakna chu lawmawm a tih thu sawiin, he School in kum 50 a tlin lawmna chu Education-a hmasawnna rahbi thar kaina nise a duh thu a sawi a, Education-ah inhlan thar leh turin kalkawm te sawmthar leh bawk a ni.
Nimin-a he hun hman ah hian Serchhip DEO chuan Govt. Sialhau M/S Building thar hi hawngin hemi hnu hian Vantlang Inkhawm neih zui a ni a, Organising Committee Secretary PC. Lalmuanawma chuan report pein Govt. Sialhau M/S chu Sialhau khawtlang tangrual in zirna kawnga an rualawhna avangin January 16, 1974-ah din a nih thu a sawi a, a tirah hian Private a din a nih avangin Zirtirtute pawhin pawisa hlawh lovin In tinah Buhhum te an khawn thin thu a sawi a. Managing Board thahnem ngaihna azarah kum 1981-ah Aided-ah hlankai niin kum 1985 March thla ah Deficit Status-ah hlan kai leh niin September ni 1, 2003-ah Provincialised a lo ni ta tih a sawi bawk.
Nimin-a hawn tak Building thar hi nikum August 15 khan a hmun lai-a thawh tan niin November thla ah a sak hna thawh tan a ni a, Building thar hi PMAAGY Scheme hnuaiah cheng nuai 20.38 senga sak niin School Management Committee enkawlna hnuaiah sak a ni. Govt. Sialhau M/S ah hian kumin hian Zirlai 50, Mipa 26 leh Hmeichhia 24 awmin Teaching Staff 5 leh Non-Teaching Staff 3 an awm mek bawk a ni.
Comments
Post a Comment