Match hmasa berah FC Serchhip Kawnpui te an tlawm
Mizoram-a District hrang hrang 11 atanga Team pakhat theuh te inelna MFA Cup 2024 hi nimin khan Lawngtlai-ah khelh tan niin Serchhip District aiawha kal FC Serchhip Kawnpui hian CYLA Ground, Lawngtlai-ah Kolasib District aiawha kal Saidan GSA hmachhawnin si khat faiin FC Serchhip Kawnpui hi an tlawm a, he inkhel a goal awmchhun hi minute 24-na a Vanlalhriat-puia khung a ni. FC Serchhip Kawnpui te hian Vawiin chhun dar 12:30 hian CYLA Ground-ah a thlengtu Lawngtlai District aiawha tel MLS FC an hmachhawn leh dawn a ni.
Nimin-a Group A inkhel dang ah MLS FC hian Mamit District aiawha kal Hmar Veng FC chu si ruk faiin an sawp a, Siaha District aiawha kal Model United FC chuan Khawzawl District aiawha kal Vengthar FC chuan 4-3 in an hneh bawk a ni. Nimin-a Group B inkhel ah Lunglei District aiawha kal Venglai FC in Saitual District aiawha kal Venghlun FC Keifang chu 2-1 in an hneh a, Aizawl District aiawha kal FC Bethlehem leh Champhai District aiawh Bethel FC te goal hnih ve ve inpe in an inhnehtawk bawk.
Comments
Post a Comment