Registration number inang lirthei 3 hreng mek

Aizawl Traffic Police te chuan Registration number inang hman vangin Maxi Cab pathum te chu an hreng mek.

Maxi Cab pathum te hian Registration number inang - MZ-01J-3150 vek an hmang tih hriat a nih avangin Aizawl Traffic Police te chuan heng lirthei registration number inang hmante hi chhuichhuakin an hreng mek a, a tul anga dan anga hmalak a nih theihna'n Aizawl Police Station-ah FIR thehluh tum a nih thu kan thudawnna chuan a sawi bawk.

Aizawl Traffic Police chuan thuchhuah siamin, lirthei lei chhâwn tumte pawhin tul loa sum an sen thlawn mai loh nan document a felfai leh felfai loh te, rûk a nih leh nih lohte hriatchian tum thin tur te, lirthei chetsualna a lo thlen thulha harsatna kan tawh loh nan The Motor Vehicles Act, 1988 in a sawi angin Registration Certificate-a Address emaw, Ownership-te hi thlâk emaw, tih danglam thuai emaw a tul tih an tarlang a ni.

Comments

Popular News (Last 30 Days)

Vawiin-ah HSSLC Exam result

LPG man bithliah thar