Ram neitu ten Four Lane kawng laih thuai an duh

Sairang to Vairengte Four Lane Land Owners Association chuan he kawng laih turah hian hna tan thuai an duh thu sawiin, a tul anga Inthlan boycott thlenga hmalak an tum thu an sawi.

Nimin-a Aizawl Press Club a thuthar thehdarhtute an kawmna ah Sairang to Vairengte Four Lane Land Owners Association hruaitute chuan Sairang to Vairengte Four Lane laih tur hi Package 6-ah then niin Package 3, 4, 5 leh 6 te hi Notification pawh chhuah tawh a nih thu leh Package 7 leh 8 te hi notification tihchhuah a la nih loh thu an sawi a. Vairengte to Kawnpui Package 3-6 te hi chu Forest Department in phalna an pek chuan laih mai theih a nih thu sawiin, Forest Department chuan a tirah chuan he kawng laih hi Road Reserve Forest (RRF) leh Riverine Reserved Forest (RRF) in a huam tiin kawng laih tum hi a dodal niin an sawi a, High Court Single Bench chuan Forest te dodalna hi an hnawl sak nia sawiin, hemi hnu hian NGO pakhat chuan High Court-ah hian appeal nawn lehin engemaw chen chu 'Status Quo' ah dah a ni tih an sawi a, anni hi an inhnuhdawh leh hnuah High Court Principal Bench chuan January 22, 2021 khan Court thutlukna hmasa chu a nemnghet leh niin an sawi bawk.

Cabinet Meeting, Enforcement Committee leh sawrkar chuan High Court thu ang hian kal tur tih chu an thutlukna a ni tih helai hmuna ram neitute chuan sawiin, Forest Department hian Thing kih phalna te pawh notification an tihchhuah thu leh chutihrualin laih phalna hi an pe duh si lo niin an sawi a. Forest Department chhungah hian thil fel lo awma an ngaih thu sawiin, kawng kal tur hi hna tan thuai an duh thu leh Forest Department lamin a contractor tur NHIDCL te phalna an pe thei lo chu an hriatthiam loh thu an sawi a, April 15 thleng sawkar nghah an tum thu sawiin, a tul dan a zirin Election boycott thlenga hmalak an tum thu an sawi a ni. Sairang to Vairengte Four Lane Land Owners Association chuan tunah hian kawng laihin a tihbuai tur chhungkaw 1700 chuang an awm niin an sawi bawk.

Comments

Popular News (Last 30 Days)

Vawiin-ah HSSLC Exam result