Mizoram-ah Health care bill ba a tlem tawh

Mizoram State Health Care Scheme hnuaiah Health Care Bill ba cheng vbc. 60 te a awm thin laiin, tun dinhmun a ba awm zat chu cheng vbc. 2 bawr vel chiah a ni tawh.

Chhinchhiahna atanga a lan danin kumin January thla thlenga Health Care bill ba awm zat chu cheng vbc. 57 bawr vel a a ni a. Nikum December 11-a sawrkar thuchhuah hmanga mipuite an lo hriattir tawh angin Chief Minister Lalduhoma hova Finance Department thuneitute thukhawm chuan Health Care bill ba pek atan cheng vbc. 40 a dahhrang a, heng bakah hian a remchan dan angin bill ba peka tur hi ruahman chhoh a ni a. Mizoram Health Care Society thawktute sawi danin, tun dinhmuna Health Care bill ba la awm vbc. 2 vel hi tunhnai mai a bill an tihfel te niin a ranglam a tihfel zel theih an in beisei tih an sawi ani.

Hetihlai hian sawrkar kum liam ta 2023-24 policy hnuaiah chhungkaw inziaklut 26,569 chauh an awm a, heng te hi AAY (Card eng)-ah chhungkaw 3,721, PHH (card pawl)-ah 12,229, Non NFSA (card var) 10,422 leh ration card neilo 179, avaiin, 26,569 an ni.

Chief Minister Lalduhoma chuan Health Care Scheme hman lai chu an titawp dawn tih a lo sawi tawh a, “A aia tha zawkin kan thlak dawn a, tunah hian buatsaih mek a ni, kan Health Care Scheme thar hnuaiah chuan Cashless vekin kan ti dawn a, pawisa ken/pek a ngai tawh dawn lo,” a lo ti tawh a ni.