CEO in Inthlanna thinghlim leh felfai neih a beisei

Chief Electoral Officer (CEO), Mizoram Mahdup Vyas chuan Mizoram chu hun hmasa lamah inthlanna thianghlim leh felfai neihna ni a hriat thin a lo ni tawh tih sawiin, kumina Lok Sabha inthlanpui lo awm turah pawh hei hi chhunzawm ngei a beisei thu a sawi.

Thuthar thehdarhtu thenkhat ten an kawmna ah Mizoram CEO chuan Lok Sabha Inthlanpui lo awm turah a tam thei ang berin Vote an thlak theih na’n kawng hrang hrangin hmalak a ni tih sawiin, Sawrkar hnathawk Postal Ballot hmanga Vote thlak mai bakah mipui mamawh zawnga thawktu mimal hnuaia thawk te pawhin vote an thlak theih na’n ruahmanna an siam tih a sawi a. College hrang hrangah vote thlak tura mahni vote neihna hmun pan tur an awm chuan an vote thlakna an kut ami chhinchhiahna hmangin an zirna hmunah attendance atan an ring thei dawn tih a sawi.

CEO Madhup Vyas chuan In lama vote thlak bultan tawh niin kum 85 chunglam mi 1,824 ten In lama vote thlak dilna thlenin, Vohbik 270 pawhin In lamah vote an thlak dawn tih a sawi a, District thenkhatah bultan a ni tawh tih a sawi a. Mizoram-a Polling Station 1,276 awm zingah hmeichhe enkawl bik 136 a awm dawn tih pawh sawiin, a vawi khat nan pianphunga rualbanlo te’n an enkawl Polling Station pakhat chu Aizawl North-III biala Zarkawt Polling Station-ah dah a nih dawn thu leh inthlan buaipuitu zinga kum naupangte’n an enkawl Polling Station 7 a awm dawn a, Lawngtlai District-ah pathum (3) awmin Kolasib, Khawzawl, Serchhip leh Hnahthial District-ah te pakhat theuh a awm dawn tih a sawi bawk.

CEO chuan Inthlan buaipuitu mi 6,400 chuangte chu zirtirna pek an nih tawh thu sawiin, Polling Station ven uluk ngai zual 19 awmin venhimna khauh leh felfai tak a awm theih na’n Mizoram Police 3,000 vel bakah Central Armed Police Force (CAPF) Company 12 ruahman niin Company 2 an lo thleng tawh tih a sawi a, a dang company 10 te chu vawiin, April ni 8-ah an lo thleng dawn tih a sawi bawk.

Comments

Popular News (Last 30 Days)

Vawiin-ah HSSLC Exam result

LPG man bithliah thar