Kumin chhungin Heroin kg. 38.360 zet man tawh

Mizoram Police leh Excise and Narcotics Department-a thawktute chuan chuan kumin January ni 1 leh March ni 31 inkar (thla thum) chhung khan Heroin kg. 38 leh gram 360 an man.

Mizoram Police Chief Information Officer leh IGP (Headquarters) ni bawk Lalbiakthanga Khiangte sawi danin kumin-a thla thum kalta chhung khan Mizoram Police te hian Heroin kg. 19 leh gram 790 bakah Methamphetamine kg 27 leh gram 277 an man a. Ganja (Cannabis) pawh kg. 27 leh gram 200 an man bawk a ni. Ruihhlo a inhnamhnawihte lakah thubuai 92 ziahluh a ni a, mihring 120 man an ni bawk a ni. Kumin chhunga an ruihhlo an man, Heroin, Methamphetamine leh Ganja te hi tualchhungah cheng vbc. 10.60 chuang hu nia chhut a ni.

Hetihlai hian kumin a hemi hun chhung vek hian Excise and Narcotics Department chuan Heroin kg. 18 leh gram 570 an man bawk a. Police leh Excise & Narcotics Department-te Heroin man belhkhawm hi kg 38 leh gram 360 a tling a. Excise & Narcotics Department hnathawkte hian hemi hun chhung hian Methamphetamine kg. 106 leh gram 648 an man bawk a, Police-te man nena belhkhawm chuan Methamphetamine man hi kg. 133 leh gram 925 zet a ni.

Comments

Popular News (Last 30 Days)

Serchhip DCSO sawn a ni