Kolasib leh Mamit District-ah Oil Plam ching an pung

Godrej Agrovet Ltd. enkawlna hnuaiah Kolasib leh Mamit District chhungah Oil Palm huan siam an pung zel.

DDK News Director Nampibou Marinmai chuan Nilaini tlai khan Bukvannei-a Godrej Agrovet Ltd. Oil Palm Mill leh Oil Palm huan thenkhat tlawhin Godrej Agrovet Ltd. hotute chuan Oil Palm Mill an bun atangin tluang takin Oil Oalm an her thu an lo hrilh a, an herchhuah Oil Palm hriak te chu Mizoram atanga Refinery hnai ber Kolkata-ah an thawn thin thu an lo hrilh bawk. Hetianga an thlai tharchhuah hralhnaa harsatna awm lo a nih avang hian Oil Palm chin hi a hlawk tih hriain, a bik takin Kolasib leh Mamit District-a kuthnathawktu zingah Oil Palm ching duh an pung zel tih Godrej Agrovet Ltd hotute chuan an sawi a. Kumin ah pawh Hectare 331 a zau ah Oil Palm chin belh a nih thu sawiin, Oil Palm chin tharna atan hian ramngaw thiah a awm lova, kuthnathawktuten an ram neihna leh thlai dang an chin mek te aia a hlawk zawk avangin Oil Palm chin nan an hmang tih an sawi bawk.

Kolasib leh Mamit District-a Oil Palm chingtute chuan Oil Palm an thar tan tirh atanga tunn thlengin an tharchhuah hralhchhuahna ah harsatna an la tawk lo tih sawiin, kumin chhungin anmahni enkawltu Godrej Agrovet Company hnenah Oil Palm rah MT 6,260 an hralh tawh tih an sawi a. Oil Palm hralhna atang hian nikum chhung khan kuthnathawktute Bank Account-ah Rs. 835,45,960/- an dah luh sak tih Godrej Agrovet Company hotu te chuan an sawi a ni. 

Comments

Popular News (Last 30 Days)

Vawiin-ah HSLC result

Vawiin-ah HSSLC Exam result