Aizawl-ah Electric Vehicle Roadshow neih a ni

State Designated Agency for Energy Conservation, Electrical Inspectorate, P&E Department buatsaihin ni hnih (2) awh tur Electric Vehicle Roadshow chu nimin atang khan Aizawl-a Millennium Centre tualzawl-ah neih tan a ni.

Electric hmang lirthei Mizorama tihlarna tur atana buatsaih Electric Vehicle Roadshow hi P&E Department Joint Secretary Er. Thanglura Sailo chuan khuallian ni a hawngin, Sawrkar laipui hmalaknain India ramah nasa takin Electric hmang lirthei siamchhuah kawngah hmalak mek a ni tih a sawi a, Mizoram-ah pawh hun reilote chhungin electric hmang lirthei engemaw zat a awm ve ta tih leh heng lirthei te hian Oil an hman ve loh avangin Oil renchemna tangkai leh tha tak a nih piah lamah Air leh Noise pollution pawh nasa takin a ti tlahniam thei tih a sawi a ni. He Roadshow hi P&E Department Chief Electrical Inspector Er. R.L. Muanpuii pawhin a telpui a, Mizoram a Electric hmang lirthei zuar, lirthei ke pahnih nei bikah Ather, MST Motor leh TVS ten an Electric Scooter te an phochhuak a, CK Hyundai ten an Electric Motor (ke pali nei) an chhawpchhuak bawk a ni.

Comments

Popular News (Last 30 Days)

Vawiin-ah HSLC result

Vawiin-ah HSSLC Exam result