FC Serchhip Kawnpui ten Semi Final thleng zo lo

Lawngtlai-a MFA Cup khelh mekah FC Serchhip Kawnpui te chu nimin khan an chak lo leh a, Semi Final luh beisei theih a ni tawh lo.
Nimin khan MFA Cup hi khelh chhunzawm leh niin Serchhip District aiawha khel FC Serchhip Kawnpui te hian Khawzawl District aiawha khel Vengthar FC an hmachhawn a, FC Serchhip Kawnpui hi 6-1 laiin an tlawm a ni. He inkhel ah hian Veng-thar FC tan Lalrintluanga chuan goal 4 a khung a, Lalramthara Pachua leh Lalremsanga ten goal khat ve ve an khung a, FC Serchhip Kawnpui tan Vanlalpekhlua chuan goal khat a khung ve bawk a ni. He inkhel ah hian Khawzawl Vengthar atangin mi 5 laiin Yellow Crad hmuin mi pahnih in Red Card an hmu a, FC Serchhip Kawnpui lamah hian mi 4 in Yellow Card hmuin Red Card hmu mi pahnih an awm ve bawk a ni.

Heti hian MFA Cup khelh mekah hian FC Serchhip Kawnpui hian match 4 khel tawhin tum khat chiah hnehna an la chang a, Vawiin hian Group Stage-a an match hnuhnung ber khelin chawhma dar 10:00 hian Siaha District aiawha khel Model United FC an hmachhawn dawn a, FC Serchhip Kawnpui tan hian Semi Final luh beisei phak a ni tawh lo a ni.

Tarlan tawh angin MFA Cup khelh mek ah hian District 11 an tel a, Group pahnih ah then niin Group pahnih a point hmu sang pahnih ve ve ten Semi Final an khel dawn a ni.

Comments

Popular News (Last 30 Days)

Vawiin-ah HSSLC Exam result

LPG man bithliah thar