FC Serchhip Kawnpui te an la chak thei chuang lo

Lawngtlai-a MFA Cup 2024 khelh mekah Serchhip District aiawh FC Serchhip Kawnpui te chuan nimin khan an match hnihna khelin 2-1 in an tlawm leh.
FC Serchhip Kawnpui te hian niminpiah-a an match hmasa berah Kolasib District aiawh Saidan GSA an hneh loh hnuah nimin khan Lawngrlai District aiawhtu MLS FC chu an hmachhawn leh a, 2-1 in a chak lo zawkah an tang a, match hnih khelh ah la tlawm ve ve in Semi Final luh beiseina a tlem sawt hle a ni.

Nimin-a inkhel ah hian MLS FC tan hian Richard Rohmingliana leh HC. Malsawmtluanga ten goal khungin FC Serchhip Kawnpui tana goal awmchhun hi Vanlalpekhlua chuan hun tawp dawn tep-ah a khung a, tun tum MFA Cup-a FC Serchhip Kawnpui in goal an khung hmasak ber a ni. FC Serchhip Kawnpui te hian Vawiin hian match thumna khelin Mamit District aiawha tel Hmar Veng FC te chu chawhma dar 10:00-ah an hmachhawn leh dawn a, he inkhel ah hian point an hloh leh a nih chuan Semi Final luh beisei tur a awm tawh lo ang.