Serchhip DFDO leh Sangha khawitu te an inkawm

Serchhip District Fisheries Development Officer (DFDO) thar Lalhmunsanga leh Serchhip District Fish Farmers Association te chu nimin khan inkawmin hmalakna tur hrang hrang an sawiho.
Serchhip DFDO Office-a inkawmna ah hian Ser-chhip District chhunga Sangha Dil nei te membership Fee leh Annual Fee mumal taka lak relin Membership Fee hi mi pakhat tan Rs. 100/- leh Annual Fee Rs. 100/- a ni anga, Fee hi kumtin April thla chunga pek tur a ni ang. Fisheries Department in Farmers Card a siam tawh chu cancel a ni anga, Membership fee leh Annual Fee pe te tan Card thar siam a ni anga, Card nei te chauh Sangha chi sem leh Dil laih leh siamthatna tur dawn tir an ni tawh dawn a ni.

Hei bakah hian Serchhip District Fish Farmers Association chu Firm & Society-ah Register tura hmalak relin chumi hmang chuan NABARD leh hmundang atanga tanpuina awm thei te hailuh tum nise an ti a, Sangha dil nei te thla 4 danah an Sangha manzat report tir an rel bakah kumtin Annual report siam an rel bawk a. Sangha chi a kan intodelh theihnan Serchhip District chhungah Hatchery puitling pakhat tal an neih theih nana hmalak pawh relin Supplier ten Sangha chi tha lo sem tur an rawn ken chuan inthuruala kir tir leh zel nise an ti bawk a. Fisheries Department leh Association ten thawhhona tha tak neih zui zel nise an ti bawk.

Comments

Popular News (Last 30 Days)

Bawngchawm tlang khualbuk rawktu nia hriat mi 2 man